LUKA 21:34 - Cho Bible Common Language 2016

³⁴ “Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

LUKA 21:34 Referans Kwoze

MAKUH 4:19

Cun ung phi pumsa ah ghin nak vai ah hmawk ah ng’ä ai nak gui, ng’bühmang nak hlü gui, la a hei ng’yak nak hlü gui naw ang thu ng’yak cu shungshet ci gui. Cun ah kya ne kä m’theih tak hlawt ci.

LUKA 12:40

Changah Htapa cu nangmi naw kä nami ngaih-tüh ah akhin ung gawk lawk khai kyasei, geing na ne, ngaih na ne nami om vai” ci ne m’cäi gui ci.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

LUKA 17:3

Cun na kyasei geing na ne nami bilawh vai. “Na phäi nau naw a ning katnak ung, ani cu na m’cäi vai, ani ang yu ba ung akat nak nam gein vai.

LUKA 10:41

Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

SAM 35:8

Cun ung phi kä ami hmat ah didap nak naw pha gui khai nei, ami mät ah cuun ung ami mät awk u ne, ami mät ah m’vam ung ami mät kyak khai gui nei!

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

THULÄÄN NAK 29:19

Nami cim vai vai tuhngawi shin ung, Shin ah thuuk ciah k’thäh nak gui ng’yak ciah chang a u kä om ci. A mät ah ngaih ah linglai ne kya lang ne phi, avan ani ung bä khai ah ngaih-tüh ci a u kä om ci. Acun naw chang ni, chang she, a täng ah nangmi nami van ning m’di gui khai.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

ATÜNNAK 19:32

Law ä, ni pa cu awktat khai ah nit u neta, ni ih püi kaw, cun ung nikni ni hta lawk khai nei” cik ci.

NG'THU K'THUUK~ 23:20

Zu akda awk ci la ei akda ei ci gui awn kä nami m’gu pawn vai.

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

LUKA 21:35

M’khoichaa nak ah hnüüp cu thau ah ng’chawi ah mäih ah nami khan ah akten ah gawk lawk khai nei. Cun ah hnüüp cu khomdek khan chang avan ah khan ah gawk khai nei.

ATÜNNAK 19:35

A cun ah mü ung ani pa cu awktat khai ah tu ni neta, a hta hnumi a hmaw ba awn ng’yaw ne ip ci goi. Ani pa cu ana ah awktat ci kiane a i kä shüm ba ci.

ATÜNNAK 27:14

Ani naw hteit ne me hnih law püi sei, anu naw apa ah m’hni pi vai ah shong ci.