LUKA 21:25 - Cho Bible Common Language 2016

²⁵ “Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

LUKA 21:25 Referans Kwoze

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

LAMKTU 2:19

Ak khan ah om ciah khankho ah, cäi aih gui vai kam dang khai, ak ka ah om ciah m’dek khan ah, ngaih khit gui vai kam dang khai. Si ng’hlui ng’huk khai, mei m’lei taut neh, mei khu thet khai.

ISAIAH 51:15

“Kei cu Bawipa nami khanpughi nei; Tuinu cu k’hnawk ne, tuinü ng’hnawk ne gaai khai ah ka cik ci. Kei ah ka ming cu m’gäi cia Bawipa nei!

MAKUH 13:26

Cun kawn ah khomei gui ah ng’lung ah hlüngtai nak la bämang nak awn kyum lawk ciah chang ah Htapa cu nami hmuk khai.

MAKUH 13:24

Zaica nak gui a gawk law kawn ah khohni cu mü ne hmüp khai, Cha phi kä vai ba khai.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

SAM 46:3

Tuinu gaai ne ng’hnawk ne, pui kho khi ne khomhtung gui a thüng ung phi,

MAKUH 15:33

Kho hnüüp lunglai ung tün ne kho k’awi nayi thum güt ung khomdek khan avan cu mü ne hmüp yawp ci.

JEREMIAH 4:23

Kei naw khomdek ka teng ci ani cu ng’zü ne pim ci; Khankho ung phi akdei kä om ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

ISAIAH 17:12

Huham ah ciah pakhui gui cu tuinu ah gaai ah miah ah, puikho ah ng’güüt ah mäih ah m’gäi m’cik ci gui.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

LUKA 21:26

Khomdek khan ah kho ah shet nak a gawk law vai hmat ciah chang gui cu, cäi ng’ä aih khai gui. Kho k’häu ung kumkü aisi gui cu thüng ne yong yawp khai gui.