LUKA 21:24 - Cho Bible Common Language 2016

²⁴ Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

LUKA 21:24 Referans Kwoze

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

DANIEL 8:13

Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

ISAIAH 66:12

Bawipa naw pyen ci, “Kei naw kä ng’pyi hlawt ciah bühmang nak cu ka ning thak law gui khai nei; kä kawi hlawt ciah tuinu ah mäih ah chang pakhui gui ah khawh chan cu nangmi ung long lawk khai nei. Nangmi cu, anu naw m’hni ne, a kut awn k’pawnm ne, am htei htang ah a hmaw hta ah mäih ah nami kyak khai nei.

ATÜNNAK 34:26

Hamora la a hta Shekhem phi ngawn ni neta, ami bee Dinah cu Shekhem ah im ungka la ba ni ne, hteh püi ba ci goi.

PHYAWN NAK 17:13

Cun ah kyasei Joshua naw Amalekit gui cu näng gui ci.

LUKA 21:25

“Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.