LUKA 21:23 - Cho Bible Common Language 2016

²³ Cun yah ung käu mah ci la a hta yüt ciah hnumi gui cu ang htei ah yaica khai gui. Judea kho cu yaica nak ung gawk khai, chang gui ah khan ah hma m’kyuk nak om khai.

LUKA 21:23 Referans Kwoze

LUKA 23:29

A hta kä om ci, kä hta ci la tuui kä tu man ciah hnumi cu yeikyai nak om ci, ci nak ah akhin gawk lawk khai nei.

MAKUH 13:17

Cu hnüüp ung käu mah ci gui la htayüt shäm ciah chang gui cu yaica aih khai gui nei.

MATTHE 24:19

Cun ah akhin ung käumah ci gui la htayüt shäm ci gui cu yaica khai gui nei.

NG’ÄI KYAH 4:10

Kei ah ka chang gui ung gawk lawk ciah kleigai naw kyih aih vai law püi ci. M’hni ciah nu nu gui naw ami mät ah hta gui cu ei vai ah shong ci gui.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

MATTHE 21:44

(Cun ah lung ah khan ah kya lawk ciah chang cu hngetbät khai, ak khan ah cun ah lung naw a kyak ah chang cun phi deng ne khui khai)” cine kyak na gui ci.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

DANIEL 8:19

a pyen cu, “Khanpughi ah m’lung she nak a i cha ah kya lawk khai ci cu, kei naw ka ning m’dang nei. Muimang ah mawng cu kho ang pyi nak vai ah khin ah kyak ci.

MATTHE 21:16

Ngami naw Bawipa Jesuh-am “Akhmaw gui a i cine ami m’lau cu nang yak ci ang?” cine ng’shik ci gui. Bawipa Jesuh naw, “Akcang ah kang yak ci nei. Cacim ung, ‘Bawipa naw, htahmaw gui la nau hmaw gui cu ami m’hlüngtai thei vai ah Theithang gui ci nei,’ ciah om ci cu, Kä nami phat man ci ma?” cine kyak na gui ci.

1 KORIN 7:26

Tuhbäichü a khin cu teng nak awn pami tumat cu amät ah om te khläm ah a om ung bä tuba ci.