LUKA 21:18 - Cho Bible Common Language 2016

¹⁸ Cun ung phi nami lu ung lusam ng’ma ät phi kä di düt khai.

LUKA 21:18 Referans Kwoze

MATTHE 10:30

Khanpughi naw nami lu ung lumu avan cu khei ne khän ci.

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

LAMKTU 27:34

Nangmi nami ghin vai ah hmawk ah ei nami ei vai ah ka ning m’cäi gui ci. Nang mi ung chang tumat ah lu ung kaa, lumu ng’ma ät phi kä di maih khai nei.

LUKA 12:7

Nami lumu ng’ma phi avan khei pyi ci nei, cun ah kya sei kä nami kyih vai, nangmi cu biit hta akda ah mä nami küikyang pi ci nei.

2 SAMUEL 14:11

Hnumi naw, “Ka bawi mang, na bä ni, Bawipa na Khanpughi ah taigü ä, cun ung sik ciah ka hta ah phäh ah phu tuk khai gui ah pawng ciah ka mätyah gui naw, ka hta tumat cu kä ngawn u ne, dämduh pi ciah katnak cu kä bik khai gui nei” cik ci. David naw, “Kei naw ghing ciah Bawipa ung shai ka tak ci, na hta cu a i naw phi kä plawh kheih khai nei” cik ci.

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

LUKA 21:17

Kei ah hmawk ah chang gui naw ning gen gui khai gui.