LUKA 20:37 - Cho Bible Common Language 2016

³⁷ “Moses naw, mei ah däi ciah k’pluup ah mawng a pyein nak ung, Khanpughi cu Abraham ah Khanpughi, Issak ah Khanpughi, Jakob ah Khanpughi a ci cu, sih nak ung kaa, thawh ah mawng a pyein ah kiak ci. Ngami cu Khanpughi ah ma ah ghing ne om ci gui kyasei,

LUKA 20:37 Referans Kwoze

THULÄÄN NAK 33:16

Ami khaw cu avan akni päng awn be sä. Bawipa ah ani nak awn hriham be sä. Shin cu mei ui ciah bup ungka naw ng’thu a pyen nei. Shin ah hriham gui cu Joseph pakhui ung gawk law sä. A i ah kyasei ci ung ani cu a phäinau gui ung khawngmang ciah kyak ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

ATÜNNAK 32:9

Cun kawn ah Jakob ah taigü cu, “Ka pughi Abraham ah Khanpughi, kapa Isaak ah Khanpughi, ka taigü cu na ngai pe ä! Nang Bawipa naw ka khaw, ka chang gui ah ka hteh ba vai ah na pyen ci. A päng ung na näng vai ah ka ning m’htei khai nei, na cik ci.

ATÜNNAK 28:21

kapa ah im ah phyawng gai ne ka gawk ba ah a kyak ung, nang cu kei ah Khanpughi ah na kyak khai.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.