LUKA 20:36 - Cho Bible Common Language 2016

³⁶ Ngami cu khanchang gui ah mäih ah kya ne kä si ba hlawt khai gui Ngami cu sih nak ungka tho ba ci gui ah kya ne, Khanpughi ah hta ah kyak ci gui.

LUKA 20:36 Referans Kwoze

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

MATTHE 22:30

Chang gui cu sih nak ungka ami thawh law ba ung chungla nak kä om ba khai. Ngami cu khankho chang gui ah mäih ah kyak khai gui.

THU PHLAAN 20:6

Cun ah ak htük ung tho ba ci gui cu yeikyai nak la hlüngtai nak awn kümbe ci gui. Hnih vei sih nak naw ngami kä k’phaa tu ba gui khai. Ngami cu Khanpughi la Bawi Khrit ah k’taigüi ah kya u ne, Bawi Khrit awn a täng ah khokum phiaa ghaa ung uk tuk khai gui.

1 KORIN 15:42

Sik ci gui tho ne ami ghin ba ah mawng cu ka ning m’thein gui khai. Pumsa cu m’ciim yah ung thuka thei ciah kyak ci; a thawh law ba ung kä thuka thei ciah kyak ci.

THU PHLAAN 22:9

Khankho chang naw, “Shik cha ah kä na bi vai, kei cu nang ah püipaw ah ka kyak ci, na phäi nau purofet gui la shin ah cauk ung om ciah cacim läk ciah chang gui ah püipaw ah phi ka kiak ci, Khanpughi bäng na khawihnah vai nei” ci na kyak nak ci.

1 KORIN 15:26

Ak hnu ah a tuk vai ah gaa cu sih nak ah kyak ci.

MAKUH 12:25

Chang gui cu sih nak ungka ami thawh law ba hnüüp ung kä chu cei mah ba khai gui, khankho ah khanchang gui ah mäih ah kyak khai gui.

1 KORIN 15:49

Mikmi cu khodek pyan ah chang ah müi, mi müisa nak ah mäih ah, khankho ah kaa kyum lawk ciah chang ah müi, mi müisa nak khai nei.

ZEKHARIAH 3:7

Bawipa ah ng’thu am thein cu, “Ka thukhän läk ne ka ning täkphan cu na bi ah a kyak ung, nang cu ka Taigüim la ka mang kiang uk ciah na kya gäk gäk khai. Ka ma ah om ciah khanchang gui ah taigü ka ngaih ah mäih ah nang ah taigü cu ka ngai khai.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

ROMAN 8:16

Mikmi cu Khanpughi ah hta gui ah mi kyak ah mawng ang dang vai ah Khanpughi ah Mumcha naw, mi mümcha cu ng’khap püi ci.