LUKA 20:25 - Cho Bible Common Language 2016

²⁵ Bawipa Jesuh naw, “Roman ghangpughang ah kaa cu Roman ghangpughang-am nami ap vai. Khanpughi ah kaa cu Khanpughi-am nami ap vai” cik ci.

LUKA 20:25 Referans Kwoze

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

MAKUH 12:17

Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä” cine kyak na gui khätah ang htei ah cäicat ci gui.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

MATTHE 17:27

Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

LUKA 20:24

“Tangka tumat na m’hnuh law vä, shin ah tangka ung a u ah gup la a u ah ming ang a om?” cine ng’shi gui ci. Ngami naw, “Roman ghangpughang ah gup la aming om ci nei” cik ci gui.