LUKA 20:24 - Cho Bible Common Language 2016

²⁴ “Tangka tumat na m’hnuh law vä, shin ah tangka ung a u ah gup la a u ah ming ang a om?” cine ng’shi gui ci. Ngami naw, “Roman ghangpughang ah gup la aming om ci nei” cik ci gui.

LUKA 20:24 Referans Kwoze

MATTHE 18:28

“Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

PHILIPPIAN 4:22

Khanpughi ah chang gui ami van naw ning yavaih gui ci gui nei; Ghangpughang ah mang im kyong ah om ci gui ah Khritha gui naw ak tung pi ah ning yavaih na gui ci gui nei.

LAMKTU 26:32

Akrippa naw Festus am, “Shin ah chang cu ghangpughang ah ng’paa nak kä a bi vai sü ung k’phiawn hning te nei” cine pyein ci.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

LUKA 20:22

Cun ah kyasei, akcang cu na m’thein gui ä: Roman ghangpughang am k’phlam kami ap khai ang? kä kami ap khai ang?” ci ne ng’shik ci gui.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

MATTHE 20:2

Ghüh ah ng’cheng man ah hnüüp ät ung tangka aphe ci awn cheng gui vai ah ghüh gui ne lo ah tüi gui ci.

MATTHE 22:20

Bawipa Jesuh naw, “Shin cu u ah müi, a u ah ming ang,” cine ng’shi gui ci.

LUKA 20:23

Bawipa Jesuh naw ngami ah theileh cu hmat netah,

LUKA 20:25

Bawipa Jesuh naw, “Roman ghangpughang ah kaa cu Roman ghangpughang-am nami ap vai. Khanpughi ah kaa cu Khanpughi-am nami ap vai” cik ci.

MAKUH 12:16

Law püi u khätah Bawipa Jesuh naw, “Shin ah gup, shin ah ming cu a u ah gup, a u ah ming ah ang a kiak?” cine ng’shi gui ci. Ngami naw, “Ghangpughang ah gup, ghangpughang ah ming ah kyak ci nei” cine pyein ci gui.