LUKA 20:23 - Cho Bible Common Language 2016

²³ Bawipa Jesuh naw ngami ah theileh cu hmat netah,

LUKA 20:23 Referans Kwoze

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

LUKA 6:8

Bawipa Jesuh naw cun ah ami ngaih hmat netah, a kut shum-am, “Ng’düi law ne ma lam ah lawä” ci khätah, cun ah chang cu tho law ne ama lam ah law ne ng’düi ci.

LUKA 5:22

Bawipa Jesuh naw cun ah ami ngaih-tüh cu hmat gui netah, “A i ah kyasei cun ah nami ngaih-tüh ang?

MATTHE 22:18

Cun ung phi Bawipa Jesuh naw ngami ah shekat ciah ami ngaihtüh cu hmat netah, “Thuvi chang gui, a i ah kyasei nangmi naw thuvi ne nami nang shi ang?

MATTHE 16:1

Pharisee gui la Sadducee gui cu Bawipa Jesuh ah pei ah law u netah, ami phawtcam nak ah, Khanpughi a tüih law ah mawng cäi aih vai cu am dang vai ah k’thäh ci gui.

SAM 95:9

A cu ah ngami naw kei cu na m’nüm ne, na k’kut ci gui, cun ung phi ngami ah hmawk ah ka bi cu hmuk ci gui nei.

LUKA 20:22

Cun ah kyasei, akcang cu na m’thein gui ä: Roman ghangpughang am k’phlam kami ap khai ang? kä kami ap khai ang?” ci ne ng’shik ci gui.

LUKA 20:24

“Tangka tumat na m’hnuh law vä, shin ah tangka ung a u ah gup la a u ah ming ang a om?” cine ng’shi gui ci. Ngami naw, “Roman ghangpughang ah gup la aming om ci nei” cik ci gui.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.