LUKA 20:20 - Cho Bible Common Language 2016

²⁰ Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

LUKA 20:20 Referans Kwoze

LUKA 11:54

Ng’thu a pyein nak ung a hmakat nak ang dang vai ah akda ah ng’shi ne phawtcam ci gui.

MATTHE 27:2

Cun kawn ah Bawipa Jesuh cu khit netah, Roman bawi Pilat ah hteh püi ci gui.

JEREMIAH 11:19

Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”

SAM 81:15

Kei na thüi nak ci gui cu ka ma ah kyi ne kawp khai gui; Ngami ami m’kyuk nak cu kä ng’pyi hlawt khai nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

LUKA 20:26

Ngami naw chang gui ah ma ah Bawipa Jesuh ah ng’thu a hma nak cu kä hmu hlawt u netah, ani ah ng’thu ngai ne, cäi ne adüm ah om ci gui.

MAKUH 3:2

Cun ung om ciah chang gui naw Bawipa Jesuh ah a katnak cu hmu hlü u netah, kyin hnüüp ung cun ah a kut shuum ciah chang cu a gai sak la kä a gai sak ah teng kheng ci gui.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 38:12

Kei na ngawn hlük ci gui naw cun cuung ne na mah u ne; Na m’kat hlük ci gui cu akshe ah pawng ci gui nei. Ngami naw kä ng’düm phung ne kei cu na hnu ng’tuk püi ci gui.

2 SAMUEL 14:2

ani naw Tekoa ah ka lunglang ciah hnumi cu tüi ci. Ani naw cun ah hnumi cu m’cäi ne, “Nang cu na thüi kyap ciah na ng’hlawk vai; Thüi kyah ung sui na sui vai, na lu kä na huih vai. Ak shou thüi kyap ciah hnumi ah mäih ah na om ih vai.

DANIEL 6:4

Ahei tängpang ci gui la uktu gui naw Daniela ah tängpang ne a uknak ung a hma nak hmuh vai ah tha nak ci gui. Cun ung phi kä hmu hlawt ci gui, a i ah kyasei ci ung Daniela cu ba” ciah kya ne hma nak la kä düng nak cu kä bi phung ci.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.