LUKA 20:17 - Cho Bible Common Language 2016

¹⁷ Bawipa Jesuh naw, chang gui teng gui netah, “Lung im co ci gui naw, ami ghawh ah lung cu, a phu küi pibäih ciah, lung ah kya lawk ci” ciah cacim ah mawng cu ka ning m’thein gui khai.

LUKA 20:17 Referans Kwoze

SAM 118:22

Im co ci gui naw ghäuh ne ami nawng ah lung cu, ng’lat ba ne, avan ung aküikyang pi ah kya lawk ci.

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

LAMKTU 4:11

Jesuh Khrit cu: “Lung im nami cawh ung nami nawng shüt ah lung cu, ak kui kyang pi bäih ah lung ak tung ah kiah lawk ci” ciah ca ng’cim ah pyein cu Bawipa Jesuh, ah kya ci.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

ZEKHARIAH 3:9

Kei naw Joshua ah ma ah chih mawng nak ciah lung tumat ka m’shän khai. Cun ah lung vüt ne ca ka guk khai, shin ah khaw ah katnak avan cu khaw hnüüp ät awn ka k’täm yawp khai.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

LUKA 22:61

Bawipa naw a mang law ne Peter cu m’htei ne teng ci. Cun hmu netah, Peter naw, “Hngeng mü ai kä a khon phaa ung nang naw, ‘Ani kä ka hmat ci nei’ cine thum vei na na mak khai” ci ne Bawipa ah pyein cu shüm ba ci.

MAKUH 10:23

Bawipa Jesuh naw ang düihpüi gui cu teng gui netah, “Bühmang ciah chang gui Khanpughi ah kho ah ami gawk vai cu khak aih ci nei” cine pyen na gui ci.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

1 PETER 2:6

Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.