LUKA 20:16 - Cho Bible Common Language 2016

¹⁶ Ani naw law ne ng’hlawh ci gui avan gawt gui netah, a sapyit lo cu a hei ghüh ba ne bi sak khai nei” cik ci. Chang gui naw cun cu ng’ya u netah, “Cun ah kä kia-en sä” ci ne kyak ci gui.

LUKA 20:16 Referans Kwoze

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MAKUH 12:9

Cun ah a kyak ung kho mah naw a i cha ah bi bik khai ang? Ani cu law ne lo ng’vat ci gui ngawn gui yawp netah, cun ah lo cu a hei gui-am bi sak gui khai nei.

LUKA 20:15

Lo mah ah hta cu akpung ah hteh püi ne ngawn ci gui. Cun ah a kiak ung lo mah naw a i ci lawk khai ang?

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

ROMAN 3:6

Cun ah kä kyak ci, Khanpughi kä a ng’düng ah a kyak ung, a i chaa khomdek khan cu m’khoichaa hlawt khai ang!

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

ROMAN 6:2

Cun ah kä kyak ci nei, katnak mi hnu nah pyi ciah chang cu, a i ah kya sei katnak ung mi ng’len ba lä vai ang!

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

ROMAN 7:13

Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak cicu katnak ah kyak ci, kat na cu kei ah ka nupuk ng’tüipüi ah ang dang vai ah, ak ni cu mang ne kei cu ana sih sak ah kyak ci. Cun ah kya sei katnak a i hlawk ah ashetkat ah mawng cu thukhän awn hmat ah kyak ci.

ROMAN 9:14

Cun ung Khanpughi kä taga ciah mi pyein khai ang! Cun ah kä kyak ci.

ROMAN 11:1

Cun ah kya sei kei naw ka ning shi gui hlük ci: Khanpughi naw amät ah chang gui cu hnu ng’tuk püi gui ne maa! Kä hnu ng’tuk püi gui ci. Kei ka mät cu Israel chang, Abraham ah hta ng’shon, Benjamin pakhui ah ka kyak ci.

ROMAN 11:11

Cun ah kya sei Jew chang gui cu, ami dimaih nak ung khüt khai ah plawh kheih gui ne maa! ciah ka ning ng’shi gui hlük ci. Cun ah kä plawh kheih gui ci. Ngami cu ami shetkat ah hmawk ah hun nak cu chang khui hei gui naw gah ci gui, cun ah kya sei Jew chang gui naw chang khui hei gui cu m’thüi nak ci gui.

1 KORIN 6:15

Nami pumsa cu Bawi Khrih ah pumsa ah ng’phyeekpai ah kyak ciah nami hmat ci. Kei naw Bawi Khrih ah pumsa ng’pai cu la netah, chang hlawhlangnu ah pumsa ng’pai ah ka pyan ung bä khai ang! Kä bä khai nei!

KALATIAN 2:17

Mikmi cu Bawi Khrit ung kawng ät nak awn, Khanpughi ung düng nak gah vai ah k’tha nak ah mawng ung, mi mät phi chang khui hei gui ah mäih ah katnak mi bi cu mi hmuh law ah a kyak ung, Bawi Khrit naw katnak cu na bi sak gui ciah mi pyein khai ang? Cun ah kä kyak ci nei!

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.