LUKA 20:11 - Cho Bible Common Language 2016

¹¹ Cun kawn ah lo mah naw ak chang a hei tumat mä tüi ba ci. Cun cun phi tuthat u netah a i kä peit ah hlawt ba ci gui.

LUKA 20:11 Referans Kwoze

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

MAKUH 12:4

Kho mah naw ak changshäm tumat cu tüi ba mä ci. Lo ng’vat ci gui naw alu ung that pawk pawk ne ng’a khai ah cik ci gui.

LUKA 20:10

Hnü ät ung ak chang tumat tüi ne, alo ah k’phlam cu shan sak ci. Cun ung phi lo bik ci gui naw, tu that u netah a i kä peit ah tüi ba ci gui.

LUKA 20:12

Cun kawn ah lo mah naw, ak chang a hei tumat cu tüi ba mä ci. Cun ah chang cun phi leim khai ah tuthat netah, akpung ah k’täm ne gawt ci gui.