LUKA 20:10 - Cho Bible Common Language 2016

¹⁰ Hnü ät ung ak chang tumat tüi ne, alo ah k’phlam cu shan sak ci. Cun ung phi lo bik ci gui naw, tu that u netah a i kä peit ah tüi ba ci gui.

LUKA 20:10 Referans Kwoze

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

JEREMIAH 5:24

Htui kho k’aa, ling kho k’aa ning pe gui ne, akum tä sei geit khäm nak vai ah khin ning pe gui ngä sei phi, kei naw m’tamkhah vai cu kä nami ngaih-tüh ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

LUKA 20:9

Cun kawn ah Bawipa Jesuh naw shin ah m’tumtäng nak m’thein gui ci. “Chang tumat naw sapyit lo ung ang geitkaw kawn ah, chang gui ghüh ne bi ne ei sak gui ci. Amät cu a kho hei ah hteit ne aksho om ci.

LUKA 20:11

Cun kawn ah lo mah naw ak chang a hei tumat mä tüi ba ci. Cun cun phi tuthat u netah a i kä peit ah hlawt ba ci gui.

1 SHONTÄP NAK 19:4

Hanun naw David ah ng’shächang gui cu pha gui ne, ami m’khamu k’teiu pe gui ne ami suisak ami khei hang ung khüt khai ah k’teih pe gui neta akthuk ah tüi ba gui ci.