LUKA 2:9 - Cho Bible Common Language 2016

⁹ Cun sang ung Khanpughi ah khankho chang dang law ne, Khanpughi ah bämang nak cu khang law sei htoshäm gui cu ang htei ah kyik ci gui.

LUKA 2:9 Referans Kwoze

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

THU PHLAAN 18:1

Cun kawn ah khanmawpi ah kaa kyum lawk ciah khankho chang tumat cu ka hmuk ci. Ani ung küikyang ciah huham om sei, ani cu khomdek khan avan ung dei ne khang ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

1 GHANGPUGHANG GUI 8:11

dei ne ng’shü ne Bawipa ah om nak ah kyak ci, ngami cu ami bi mawng bi ba khai gui ah akyong ah kä valut ba hlawt ci gui.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

JOHAN 12:41

Isaiah cu Bawipa Jesuh ah bämang nak hmuh pyi ciah kya ne, ani ah mawng cu shin ah apyein ah kyak ci.

LUKA 24:4

Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi.

PHYAWN NAK 16:7

Khaw ngawi hta ung pying ne ng’shü ciah Bawipa ah akdei cu nami hmuk khai nei. Ani hnungtuk püi ne ng’thu nami m’da cu ani naw ng’yak ci nei ä, nami hnungtuk püi ci, a i ah kyasei ci ung, keimi cu ani ah m’shüm thein nak kami phui ciah kami kyak ci” cik ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

HEBRU 12:21

Cun ah hmuh teng gui cu ang htei ah cäicat vai kya khätah, Moses naw, “Kei cu ng’khlet ne ka kyik ci nei,” cine pyein ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

EZEKIEL 3:23

Cun ah kyasei kei cu khongnawi ah ka hteit ci, Chebar Tuinu peiah ka hmuh ah mäih ah Bawipa ah bämang nak cu ka hmuk ci. Kei cu m’dek täng ah hmai na ne ka kiuk ci,

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

PHYAWN NAK 16:10

Aaron naw chang ami van cu m’thein gui sei, ngami cu bung täng ah ng’hlat u khäta, Bawipa ah pying ciah akdei cu ang ghit ah khongmei ung dang lawk ci.

LUKA 2:8

Cun ah kho ung htomeshäm gui cu khomü ah khodo yung ah htome ngäng ne om ci gui.