LUKA 2:41 - Cho Bible Common Language 2016

⁴¹ Bawipa Jesuh ah anu la apa cu phiawn nak pawi akhin päng ung akum tä sei, Jerusalem ah hteit ci ci goi.

LUKA 2:41 Referans Kwoze

THULÄÄN NAK 12:18

Nangmi la nami hta nau gui, nami changshäm gui la nami gawnu ung om ciah Levit gui awn a täng ah shin ah douthak gui cu Bawipa nami Khanpughi ah ma ahBawipa nami Khanpughi naw khawihnah nak vai ah a ghü ah hmun tumat ung nami ei vai. Nangmi cu nami bi lawh päng ah khan ah nami yeikyai vai.

JOHAN 2:13

Jew chang gui ah phiawn nak pawi ng’et law sei, Bawipa Jesuh cu Jerusalem ah hteit ci.

1 SAMUEL 1:21

Akhin gawk law ba ci, Elkanah la akyong ung ka gui cu, Shilon ah hteit ne, khokum khawihnah nak cu Bawipa am douthak u ne, ani naw shai a tak ah abä pi ah khawihnah nak phi ap ci gui.

1 SAMUEL 1:3

Akum tä sei Elkanah cu Ramah ah ka naw Shilon ah hteit ne, Bawipa a hlüngtai cu khawihnah ne khawihnah nak phi douthak ci. Acu ah Eli ah hta goi, Hophni la Phinehas cu Bawipa ah taigüpa ah

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

KHEI NAK 28:16

Bawipa m’tam nak ah phyawn nak pawi cu a cha ät nak ah a hnüüp gha-lei-phli ung be vai.

TAIGÜTHUM 23:5

Phyawn nak pawi Bawipa m’tamkhah nak cu, acha ät nak ah a hnüüp gha lei phli hnüüp, hni ang shü law ung nami tün vai.

PHYAWN NAK 34:23

“Kum ät ung thum vei, pami avan law ne nami na khawihnah law vai. Kei, Bawipa, Israel Khanpughi nei.

PHYAWN NAK 12:14

Shin ah hnüüp cu yumnak ah pawi ah nami bi vai. Cun ah nami bi cu kei Bawipa naw ka bi gui, nami shüm ba nak ah nami bi ah kyak ci. Ngawi yä nami bi lä vai nei” cik ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 11:55

Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.

JOHAN 6:4

Cun yah ung Jew chang gui ah phiawn nak pawi cu ng’et lawk ci.

PHYAWN NAK 12:11

Ang ghit ah meh cu nami ei vai, a i ah kyasei ci ung dung hteit ge khai ah mäih ah suisa u ne, nami khaw ung phahnak ng’cum ne, nami kut ung shopawng nami kawh vai. Shin cu kei Bawipa nami na m’taam nak phyawn nak pawi ah kyak ci.

LUKA 2:42

Jesuh a khokum kum gha-lei-goi a law yah ung phi, Jerusalem ah phiawn nak pawi ung hteit ba ci gui.