LUKA 2:37 - Cho Bible Common Language 2016

³⁷ Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

LUKA 2:37 Referans Kwoze

1 TIMOTHI 5:5

A mät om ciah hmeinu cu m’hteihtang khai a u kä om sei, Khanpughi ngaih u ne, amü ak hnüüp taigü ne ng’yoi thäh ci nei.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

SAM 23:6

Na ni nak la na m’hni nak cu ka ghin nak avan ung om ciah ka hmat ci; Bawipa ah na ghui im ung kei cu angtäi sei ka om khai nei.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

LAMKTU 13:3

Ngami cu ei hlawi ne taigü u ne, ani khan ah ami kut taih neh taigü u netah Khanpughi ah bi bik khai ah tüi goi ci gui.

LAMKTU 26:7

Cun ah shaitaak cu Judah pakhui gha-lei-goi naw, amü ak hnüüp Khanpughi ah taigü ne, ami ngaih u ah kyak ci. Ka ghangpughang! Acun ah kei naw ngaih u ne ka om ah hmawk ah Judah chang gui naw kat ami na k’sung ah kya ci nei.

SAM 22:2

Kho hnüüp yah ung kei naw ka ning khü ci nei, ka Khanpughi, cun ung phi nang naw kä na na m’shang ci; mü ah phi kä ning khü ci, cun ung phi kä ka ng’düm hlawt ci.

THU PHLAAN 7:15

Cun ah kyasei ngami cu Khanpughi ah mangkiaang ah maa ah ng’düi u ne, amü ak hnüüp pum im kyong ah om ne khawihnah ci gui. Mangkiaang ung ngok ci naw ngami cu ngung gui ne, küikyaan gui ci.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

LUKA 5:33

Chang amshah gui naw, Bawipa Jesuh-am, “Johan ah ng’khah püi gui la pharisee gui ah ng’khah püi gui cu, ashäng shäng ei hlawi ne taigü ci gui, cun ung phi nang ah ng’düihpüi gui läi ei aw ne om ci gui nei” cik ci gui.

SAM 84:10

Na Pum im ung hnüüp ät om cu a hei ung ah hnüüp phia gha om ah ta bä pi ci nei. Changshe gui ah im ung om ah ta, ka Khanpughi ah Im kawt pei ah ng’düih cu ka m’hni pi ci nei.

SAM 84:4

Na pum im ung om ci gui cu yeikyai aih ci gui nei, Ang täi sei ng’äi m’cu ne ning m’taam ci gui nei.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

PHYAWN NAK 38:8

Ani naw kyei khawkdai la kyei a khaw cu Bawipa ah om nak ah phung, valuh nak ung bii bik ciah hnumi gui ah kyei hman gui cu la ne pyang ci.

SAM 92:13

Ngami cu Bawipa ah im ung geit ah sing ghing ah mäih kya u ne, mi Khanpughi ah pum im ung bämang ci gui,