LUKA 2:36 - Cho Bible Common Language 2016

³⁶ Asher pakhui ungka Phanuel ah hta Anna ming nak ciah profet hnumi tumat om ci. Ani cu ghi law pyi ci, ak hmaw chang yah ung ceimah ne, kum chih bäng ung a cei awn om ci goi.

LUKA 2:36 Referans Kwoze

LAMKTU 21:9

Ani ung kä ceimah phak ciah a hta hnumi phli om ci. Ngami cu Khanpughi ah Thu Ni ng’shäu ne pyein ci gui ah kya ci.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

1 KORIN 12:1

Tuhbäi ca guh ne nami na ng’shi ah Mumcha Theing ah m’cümhnah nak ah mawng, ka ning m’thein gui khai. Phäinau gui aw, cun ah a mawng cu akcang ah nami hmat vai ah ka ng’ya hlük ci nei.

LAMKTU 2:18

Cun ah khaw hnüüp gui ung, Ka chang gui hnumi’ pami van ah khan ah, Ka Mumcha Theing ka yuk chah lawk khai, ngah mi naw kei ah ng’thu ng’shäu khai gui.

SAM 92:14

Cun cu a ghi law güt m’theih ne, angtäi sei m’kim ne khäng khai gui nei.

JOB 5:26

Khäm vai ah akhin ung hmin ciah cu ng’htang ah mäih ah nang cu ghi ne na ghing khai.

2 GHANGPUGHANG GUI 22:14

Hilkiah, Ahikam, Akbor, Shaphan la Asaiah ni cu Jerusalem gawthai ah om ciah prophet hnumi Huldah ah hteit ci gui. (Ani ah cei Shallum, Tikvah ah hta, Harhas ah tu cu, taigü suinu gui m’htei ciah angvaipi ah kyak ci.) Ngami naw a i ah a kyak ah mawng ani am m’thein ci gui.

SUKI GUI 4:4

Cun sang ung Lappidoth ah chu Deborah cu prophet ah kya ci, Israel gui ah suki ah kya ne bi bik ci.

ATÜNNAK 30:13

Leah naw, “Kei ka yeikyai ci nei, hnumi gui naw kei cu zeikai ciah na khü khai gui nei” ci neta, Asherah ah a ming sui ci.

JOSHUA 19:24

Ak hma nak ah pek gui cu Asher pakhui kyongchang gui ah hmawk ah kyak ci.

1 SAMUEL 1:2

Elkanah naw hnih chu nak ci, Hannah la Peninnah ah kyak ci. Peninnah cu a hta om ci, Hannah cu a hta kä om ci.

EZEKIEL 13:17

Bawipa naw pyen ci, “Hnicim Chang, tuhbäi na chang gui ah ng’lung ah hnumi gui cä teng gui ä, ngami cu ng’cängbang nak bik ci gui nei. Ngami cu m’shuk cha gui ä.

LUKA 2:35

Nang ah m’lung kyong cu khim ghaat awn k’tawk ah mäih ah nak khai nei” cine Mari-am pyen nak ci.

LUKA 2:38

Ak hmaw ami ap law sang ung cun ah hnumi cu gawk law netah, Khanpughi m’hlüngtai ci! Cun kawn ah Jerusalem cu hun lawk khai’ ciah ngäng ci gui ah chang gui-am, ak hmawhta ah mawng cu m’thein gui ci.

1 KORIN 11:5

Khawihnah nak ung alu kä uk ne taigü ci, kä cun ung Thu pyein ciah hnumi cu a cei ng’yo m’sho ciah kyak ci; ani cu alu k’plut ciah hnumi awn a i kä ng’lak nak ci goi.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

1 TIMOTHI 5:9

A khokum chuk-kip kä be phak ciah hmeinu cu, hmeinu ah kä k’bäi cang vä. Ani cu hnüät bäng ceimah ciah kyak khai,