LUKA 2:32 - Cho Bible Common Language 2016

³² Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

LUKA 2:32 Referans Kwoze

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

LAMKTU 26:23

Messiah cu sih nak a aut kawn ah, sih nak ungka tho ba htük ne, Israel chang gui la changpakhui hei gui am, hun nak ah ak dei ah mawng cu ng’shäu ne m’thein gui khai nei” cine m’hlan ne pyein tu ba ci.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

ZEKHARIAH 2:5

Bawipa amät naw shai ataak cu, ani a mät cu mei-k’paang ah kyak ci, mang gaw veing ne shungvong ciah kya ne, acun ung a bämang nak avan awn angtäi ah om khai, ciah kyak ci.”

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

1 KORIN 1:31

Cun ah kyasei cacim ung om ciah mäih ah, “A u chang phi khähgha hlük ciah chang phung cu, Bawipa ah bi nak ah khan ung khänghah sä.”

LUKA 2:10

Khankho chang naw, “Kä kyikyawk vä, chang avan naw ang htei ah a yeikyai nak vai ah ng’thu Ni cu nangmi ah hmawk ah ka law püi ci nei.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

ISAIAH 49:9

Kei naw thawng kyum ci gui ka pyen na gui khai, ‘Luat ne hteit ba vä!’ Ka cik khai, Hmüp khui ung om ci gui am, ‘Akdei ung lut law vä! ka cik khai!’ Ngami cu khogui yung ah khu ei ciah htome ah mäih ah kyak khai gui;

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

LUKA 2:31

Cun cu chang van ah ma ah nang naw na pyan m’tham ah;