LUKA 2:26 - Cho Bible Common Language 2016

²⁶ Mumcha Theing cu ani awn a täng ah om ne, “Nang cu Khanpughi ah shaitaak ah Messiah kä na hmuh pha ung kä na sik khai” ci ne am cäi ah kyak ci.

LUKA 2:26 Referans Kwoze

JOHAN 8:51

Kei naw akcang ka pyein cu, kei ah m’theithang läk ci phung cu ngawi ah phi kä sik khai” ci na gui ci.

HEBRU 11:5

Khanpughi naw Enok akghing ah a kai püi cu, a yum nak awn ah kyak ci. Ani cu Khanpughi naw akghing ah akai püi ah kya ne a u naw shui ne kä hmu ba ci. Khankho ah kä a kai pha ung Enok cu Khanpughi naw yei na aih ci, ciah cacim theing ung om ci.

LUKA 9:27

Kei naw nangmi-am akcang ka pyein cu, shin ah kho ung chang am shah cu Khanpughi ah uknak kho kä mi hmuh pha ung kä sik khai gui nei” cik ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

MATTHE 2:12

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

LUKA 2:29

“Bawipa, tuhbäi na shaitaak küm pyi ci kyasei, na chang shäm cu dimdeeih nak ah hteh sak ä.