LUKA 2:15 - Cho Bible Common Language 2016

¹⁵ Khankho chang gui khankho ah ami hteh ba kawn ah, htoshäm gui cu ami mät ng’htau u ne, “Mikmi Bethlehem ah mi hteit khai, Khanpughi naw ana m’thein gui cu hteit ne mi teng khai” cine ng’ge u netah Bethlehem ah hteit ci gui.

LUKA 2:15 Referans Kwoze

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

SAM 111:2

Bawipa ah abi gui cu cäi aih vai kyak ci nei! Ani ung tuihlim ci phung naw a cun ah mawng gui cu hmuhmat hlük ci gui.

LUKA 24:51

Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci.

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

2 GHANGPUGHANG GUI 2:1

Bawipa naw Elijah cu khokhi kuiphak awn khankho ah akai püi nak vai ah akhin cu gawk lawk ci. Elijah la Elisha cu Kilkala ka naw lawk ci goi.

PHYAWN NAK 3:3

Moses naw, Shin cu cäicat vai kyak ci, cine ngai neta, “A i ah kyasei shin ah k’pluup cu kä a uih ang? Hteit ne k’et ne ka teng khai” cik ci.

MATTHE 12:42

Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

LUKA 2:16

Gawk u netah, Mari la Josef la vantang ko ung ami m’ih ah ak hmawhta cu hmuk ci gui.