LUKA 19:5 - Cho Bible Common Language 2016

⁵ Bawipa Jesuh cu acun ung a gawk law ung sing ah khan ah han dan netah, “Zakhaeus, a tuhbäi kyum law ba ä, tuhngawi nang ah im ah ka kai lawk khai nei” cik ci.

LUKA 19:5 Referans Kwoze

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

JOHAN 1:48

Nahtanelah naw, “A i hawkcha ah kei na na hmat ang?” cine ng’shik ci. Bawipa Jesuh naw, “Philip naw kä a ning khü pha ung, kthei ghing kaa ah om ci sei, ka ning hmuk ci nei” cik ci.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

EZEKIEL 16:6

“Cun kawn ah nang ning sun law neta namät ah si ung ng’hleeu ci sei ka ning hmuk ci. Nang cu si bäng ah na kyak ci, cun ung phi kä ka ning sih sak ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

LUKA 19:2

Acun ah gawnu ung Zakhaeus ming nak ciah, akhawnlook ciah, ang vaipi tumat om ci. Ani cu bühmang ci.

LUKA 19:4

Cun ah kyasei, Bawipa Jesuh a law nak vai ah lam ung ana va dawng ma netah, k’thei ghing ung kai ne, ana teng ci.

LUKA 19:6

Zakhaeus cu sing ghing ah khan ah kaa kyum law ba netah, Bawipa Jesuh cu yeikyai ne a na daou ci.