LUKA 19:46 - Cho Bible Common Language 2016

⁴⁶ Bawipa Jesuh naw, “Khanpughi ah ng’thu, cacim ung, ‘Kei ah im theing cu Taigüim ah kyak khai’ cik ci. Cun ung phi nangmi naw tuhbäi, ng’thup ciah m’guk-ei gui ah om nak ah nami pyang pyi ci nei” cine Taigüim ung sumlei ci gui-am pyen na gui ci.

LUKA 19:46 Referans Kwoze

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

JEREMIAH 7:11

Nangmi naw ka Taigüim cu m’guk-ei gui ah ng’thuh nak ah nami ngai ne ang? Nangmi naw a i nami bi cu kei naw ka hmuk ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

EZEKIEL 43:12

Shin cu Taigüim ah thukhän ah kyak ci: shin ah angveing avan khomhtung ah khan cu theingthap ne theingcim ci.”

SAM 93:5

Bawipa, na thumkhän gui cu angtäi ah om ne, na Taigüim cu akcang ah theing cim lä ci nei.

HOSEA 12:7

Bawipa naw pyen ci, “Israel chang gui cu Kanaanit chang gui ah mäihah kya ne kä düng ci gui. Ngami naw kü hman khai ah kihn ne nän ne hleih ci gui am pek tu cu m’hni ci gui.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

MAKUH 11:17

Cun kawn ah Bawipa Jesuh naw, “Cacim ung Khanpughi naw, ‘Kei ah pum im cu kho nüng ung, chang päng ah taigü nak ah mang im ah sui vai’ ciah om ci. Cun ung phi nangmi naw m’guk ei ah ng’thuh nak ah im ah nami pyang pyi ci nei” cine chang gui cu m’cäi ne m’thein gui ci.