LUKA 19:4 - Cho Bible Common Language 2016

⁴ Cun ah kyasei, Bawipa Jesuh a law nak vai ah lam ung ana va dawng ma netah, k’thei ghing ung kai ne, ana teng ci.

LUKA 19:4 Referans Kwoze

ISAIAH 9:10

Ngami naw, “Uk im gui cu pyawn yawp ci nei, cun ung phi keimi naw lung im gui awn kami m’thong ba khai nei. Sing düt ng’laung gui cu chukpit yawp nei, cun ung phi keimi naw m’shing ak’ni ng’laung awn kami m’thawng khai nei.”

LUKA 5:19

Cun ung phi chang da aih sei kä luh püi hlawt u netah, im khan ah kai püi ne, m’di k’sih kaih pawk u netah, Bawipa Jesuh ah ma ah yuk chah ne m’shän ci gui.

1 GHANGPUGHANG GUI 10:27

Ani ah uk sang ung ngui cu Jerusalem ung lung ah mäih ah da ne, cedar sing cu Judah khawng nawi ah sing k’pyou ah mäih ah da ci.

AMOS 7:14

Amos naw, “Kei cu ng’cheng dou ne ng’cäbang ciah prophet ah mäih ah kä ka kyak ci. Kei cu sei shäm ciah ka kyak ci, theising gui ka m’htei ci.

SAM 78:47

Ani naw ami sapyit ng’shun gui cu gäi awn bok sak ne, ami thei ghing gui khüi awn toi shi sak ci.

2 SHONTÄP NAK 1:15

Ani naw a uk yah ung ngui la ghui cu lung ah mäih ah, cedar sing cu sing düüt ah mäih ah Jerusalem ung da ci.

2 SHONTÄP NAK 9:27

Ani ah uk yah ung Jerusalem ung ngui cu lung ah mäih ah da ci, cedar sing cu Judah m’htung nawi ung sing düt gui ah mäih ah da ci.

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

LUKA 19:3

Ani naw Bawipa Jesuh a i ah mäih lawk ci ang cine, a hmuh tu vai ah k’tha nak ci. Cun ung phi ani cu tawi hta ci kya ne, chang da aih khätah Bawipa Jesuh cu kä hmu tu hlawt ci.

LUKA 19:5

Bawipa Jesuh cu acun ung a gawk law ung sing ah khan ah han dan netah, “Zakhaeus, a tuhbäi kyum law ba ä, tuhngawi nang ah im ah ka kai lawk khai nei” cik ci.