LUKA 19:1 - Cho Bible Common Language 2016

¹ Bawipa Jesuh cu Jerikho gawnu sun pah ne a hteh nak lam ah

LUKA 19:1 Referans Kwoze

LUKA 18:35

Bawipa Jesuh cu, Jerikho gawnu pei ah a gawk law sang ung amik m’dauh tumat cu lam pei ah ngo ne, ng’yoi ne om ci.

1 GHANGPUGHANG GUI 16:34

Ani naw a uk sangung Bethela ah ka Hiela naw Jerikho cu co ba ci. Nun ah hta Joshua ung Bawipa naw ng’thu angcäi ah mäih ah, Hiela naw Jerikho mang gaw angnei a cawh yah ung a hta ng’vaipi Abiram cu shum ci, m’kawt gui a cawh yah ung a hta hmawpi Sekub cu shum ci.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

MAKUH 10:46

Bawipa Jesuh la ang düihpüi gui cu Jerikho gawnu ah ami gawk kawn ah, chang khli awn a täng ah acun ungka naw ng’düi ne hteit ba ci gui. Cun ah ami hteh ba nak ah ng’yoi ne ei ciah Timaeus ah hta Bartimaeus cu lam pei ah ana ngok ci.

LUKA 19:2

Acun ah gawnu ung Zakhaeus ming nak ciah, akhawnlook ciah, ang vaipi tumat om ci. Ani cu bühmang ci.