LUKA 18:43 - Cho Bible Common Language 2016

⁴³ A cun vai-am ani cu amik m’dei lawk ci Cun kawn ah Khanpughi ah bämang nak m’hlüngtai ne, Bawipa Jesuh ah hnu ah läk tuk ci. A cun gui cu hmu tuk ciah chang gui ami van cu Khanpughi ah ming m’hlüngtai ci gui.

LUKA 18:43 Referans Kwoze

SAM 146:8

Amik m’dauh gui cu m’dei sak gui ci. Zu ng’kyak ci gui cu zu chang tu gui ci; düng ciah ah chang gui cu m’hni gui ci.

KALATIAN 1:24

Cun ah kyasei ngami naw kei ah mawng ung Khanpughi cu m’hlüngtai ci gui.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

LAMKTU 4:21

Kawngsi ng’vai gui naw, ngah ni cu khen neh k’taap ba goi ne tah tüi ba gawi ci gui. Acun ah a mawng gui hmuh tuk ciah chang gui naw Khanpughi m’hlüng m’tai yawp u khä tah ang düihpüi gui cu a i ah phi käm kat gui hlawt ci gui.

LUKA 13:17

Cun ci khätah, Bawipa Jesuh ah a gaa gui cu ng’aa ci gui. Chang gui akda cu Bawipa Jesuh naw cäi aih vai abi gui ah hmawk ah yeikyai ci gui.

LUKA 5:26

Cun hmuk ciah chang gui ami van cäicat kyikyawk u netah, “tuhngawi mi hmu teng cu ang htei ah küikyang aih ci nei” ci ne kyak ci gui.

LUKA 4:39

Bawipa Jesuh naw akgaw ah pei ah hteit netah, gawnak cu k’taap ge ne k’täm ci. Gaw nak maih sei, acun vai-am ani cu tho law ba ne, ngami cu khin na gui ci.

MATTHE 21:14

Pum im ah amik m’dauh gui la akho shum gui law u sei, Bawipa Jesuh naw gai sak gui ci.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

ISAIAH 35:5

Amik m’dauh gui naw hmu hning khai gui, akpang gui naw ng’yak khai gui.

SAM 107:15

Ng’täi ciah am hni nak la ngami ah hmawk ah cäicat vai gui abi ah phäh ah Bawipa cu m’hlüngtai u sä.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

SAM 30:2

O Bawipa, ka Khanpughi, Na nam htei vai ah kyap ne ka ning yoi ci nei, nang naw na nam gai ci,

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

LUKA 19:37

Jerusalem gawnu ang et law nak, Olive m’htung yuk khum nak lam ah a khahpüi law tuk ci gui ami van cu cäicat vai gui ami hmuh ah phäh ah Khanpughi ah ming cu m’lau ne m’hlüngtai ne yeikyai ci gui.

LUKA 9:43

Chang gui cu Khanpughi ah küikyang hlüngtai nak cu hmu u netah cäicat ci gui. Chang gui naw a bilawh gui ah phäh ah ami cäicat yah ung, Bawipa Jesuh naw,