LUKA 18:38 - Cho Bible Common Language 2016

³⁸ A cun ah chang naw, “David ah Htapa, Jesuh Bawipa, kei cu na m’gein ä” cine m’lau ci.

LUKA 18:38 Referans Kwoze

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

LUKA 18:39

Ama ah om ciah chang gui naw, adüm ah a om vai ah ng’lii ne pyein ci gui. Cun ung phi ani cu, “David ah Htapa, Jesuh Bawipa, kei cu nam gein ä” cine m’lau gäk gäk ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

MATTHE 21:15

Taigüpa gui la thukhän saya gui cu cäicat vai kyak ciah Bawipa Jesuh ah bi lawh gui cu hmu u ne, pum im kyong ah ak hmaw gui naw, “David ah Htapa cu m’hlüngtai vä,” cine a ming ng’shäu cu yak u netah, ang htei ah m’lungshe ci gui.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

MATTHE 12:23

Chang gui cu ang htei ah cäicat u netah, “Shin ah chang cu David ah htapa ah kyak khai ang? cine kyak ci gui.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

LUKA 18:37

Chang gui naw, Nazaret ah kaa Bawipa Jesuh a law ah mawng m’thein tuk ci gui.