LUKA 18:16 - Cho Bible Common Language 2016

¹⁶ Cun ung phi Bawipa Jesuh naw ak hmaw gui cu khü gui netah, “Akhmaw hta gui kei ah law u sä, kä maa na gui vä, Khanpughi ah uknak kho cu ngami ah kho ah kyak ci nei;

LUKA 18:16 Referans Kwoze

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

1 KORIN 7:14

Kä yum tuk ciah a cei cu yum ciah ak chu awn ani ng’khap ah hmawk ah, ani cu Khanpughi naw dou ci, kä yum tuk ciah ak chu cun phi yum ciah a cei awn ani ng’khap ah hmawk ah ani cu Khanpughi naw dou ci. Cun ah kä a kyak ung cun ah chang gui ah ami hta gui cu khoshe ah hta ah kyak khai gui. Cun ung phi cun ah hta gui cu Khanpughi naw yei ne a dou gui ah kyak ci gui.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

THULÄÄN NAK 31:12

Pami gui ami van, hnumi gui ami van, ak hmaw hta gui ami van la nami gawnu gui ung om tuk ci gui ah khaw hei chang gui ami van cu a täng ah na khü gui vai, cun ung chang päng naw ng’zak khai, Bawipa nami Khanpughi m’tamkhah nak vai ng’thei khai gui, ani ah m’theithang nak gui cu bekhüt ne läk khai gui.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

ATÜNNAK 21:4

Isaak cu hnüüp cheit lüng pha sei, Khanpughi ah thukhän ah mäih ah Abraham naw vun-ah nak bi pek ci.

THULÄÄN NAK 29:11

hnumi gui la hmaw hta gui, nami ng’lung ah om tuk ciah khaw hei chang gui, nangmi ah phäh ah sing lak ci gui, tui than ci gui,

2 SHONTÄP NAK 20:13

Judah chang gui ami van, ami chu, hta gui mah ah Taigüim pei ah ng’düi ci gui.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

MATTHE 19:14

Bawipa Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

LUKA 18:15

Cun sang ung chang amshah gui naw ami hta k’hmaw gui cu Bawipa Jesuh naw ami khan ah a kut taih ne hrilham a peit gui vai ah law püi ci gui. Cun cu ang düihpüi gui naw hmu u netah, gen gui ci gui.

LUKA 18:17

Kei naw akcang ka pyein cu, akhmawhta ah mäih ah kä yum ciah chang phung cu Khanpughi ah uknak kho ah kä lut hlawt khai nei,” cine m’thein gui ci.