LUKA 18:14 - Cho Bible Common Language 2016

¹⁴ Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

LUKA 18:14 Referans Kwoze

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

JAMES 4:10

Bawipa ah ma ah nami m’lung neim sak vä, cun ung ning m’hlüngtai gui khai nei.

MATTHE 23:12

Amät naw amät m’hlüngtai cicu ng’neim pibäih khai, amät naw amät ng’neim sak cicu hlüngtai nak gah khai.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

LUKA 1:52

M’gäi ciah ghangpughang gui mangkiang ung kaa yuk chah gui ne, yoken ciah chang gui han chaang gui ci.

SAM 138:6

Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

NG'THU K'THUUK~ 3:34

Ani naw chang shedam nak c i cu kä mang ci. Cun ung phi am lung neim sak cicu chang m’sui ci.

JOB 25:4

Khanpughi täng ah ka naw teng ung ng’düng ciah chang ng’ciim ciah chang a u om khai aw?

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

ROMAN 4:5

Chang cu amät ah bilawh om ih düt kä ngaih u ne, Khanpughi yum ne a ngaih u ah a kyak ung, Khanpughi naw ani ah yum nak cu ngaih pe ne, ani cu katnak kä om ciah m’hnüt ne k’bäi ci. A cu chaa ah Khanpughi naw chang cu düng sak ne dou ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

NG'THU K'THUUK~ 15:33

Bawipa kyih aa nak cu hmuhmat nak ah kyak ci, m’lung neim nak ah a hnu ah m’tamkhah nak om kheng geng ci.

JOB 22:29

Khanpughi naw chang ah ng’shei ci gui cu yuk chah gui ne, m’lung neim ci gui cu hun gui ci.

1 SAMUEL 1:18

Ani naw, “Nang naw ak phlüt ah kei cu na m’gein ä” cik ci. Cun kawn ah ani cu a hei ah hteit ne buh ei ci, kä thüi ba ci.

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

ROMAN 8:33

Khanpughi naw a ghü ah chang gui cu a u naw m’kat gui khai ang! Ngahmi ung katnak kä om ciah Khanpughi amät naw m’dang pyi ci nei.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

JOB 9:20

Kei cu theing ne ka bekhüt ci, cun ung phi ka ng’thu naw na m’shet ne, ka pyen phung van naw na m’kyuk khai mäih lawk ci.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

THUSHÄUTU 9:7

Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

NG'THU K'THUUK~ 25:7

Hlüng pi ciah ngoh nak vai na k’thäh tu ah ta, küikyang tuba ciah chang am na ngoh nak na m’hnawn vai ah na pyen tu cu mä tupi ci.