LUKA 18:13 - Cho Bible Common Language 2016

¹³ Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.

LUKA 18:13 Referans Kwoze

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

SAM 41:4

Kei naw, “Bawipa, nang ning hnu ng’tuk püi ne katnak ka bik ci nei; kei nam gein ne na m’gai ä” ka cik ci.

LUKA 23:48

Teng tuk khai ah lawk ciah chang gui naw, acun gui cu hmu u netah, ang htei ah ayä u ne hteit ba ci gui.

HEBRU 8:12

Kei naw ami shetkat nak gui cu kam gein gui khai, Ngahmi naw ami cheishoh nak gui kä shüm ba khai gui,” cine pyein ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 25:11

Bawipa, na shaitak m’khän ä, Ka cheishoh nak nam gein ä, ngami cu da ci gui nei.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

SAM 25:7

Ka nong yah ung ka cheishoh nak la ka kat kawng nak cu na m’gein ä. Ng’täi ciah na m’hni nak la nam’gein nak awn kei cu na shüm ä, Bawipa!

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

LUKA 17:12

Pigaw tumat ung ami gawk law ung khei-lei ah ei chang sing ghaa naw Bawipa cu ana dou ci gui. Ngami cu ang shawng pi pi ah ng’düi u netah,

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

SAM 119:41

Bawipa, a i hlaw ah na na m’hni cu na m’dang ä, Na shaitak ah mäih ah na hun ä.

SAM 106:6

Keimi cu kami pupa gui ah mäih ah katnak kami bik ci; kami shekak ci, kami cheishoh ci.

SAM 40:12

Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.

2 SHONTÄP NAK 33:23

Cun ung phi ani cu apa ah mäih ah kä kya ne, amlung kä neim sak ci, Bawipa ah kä ng’hlat law ba ci, ani cu apa ah däm pi ci ah katnak bik ci.

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

LUKA 22:41

Cun kawn ah ang düihpüi gui awn li-kiak ät vai ng’lak nak khai ah hteit netah, m’khuukdong ne,

PHYAWN NAK 33:10

Chang gui naw Phung m’kawt pei ah khongmei von cu ami hmuh vai am m’khuukdong ci gui.