LUKA 18:11 - Cho Bible Common Language 2016

¹¹ Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

LUKA 18:11 Referans Kwoze

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

JEREMIAH 2:35

Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

JEREMIAH 2:28

“Nami mät ah phäh ah nami pyan ah khanpughi gui cu a hawi ang? Khüikha nak ung nami gawk sang ung a cun gui naw ning hun u sä — kä ning hun hning khai ma! Judah, nang ung nami mang gaw gui chü ah da ciah khanpughi gui om ci nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

SAM 135:2

Bawipa ah a im, mi Khanpughi ah Pum im kyong ah ng’düi ci gui naw.

SAM 134:1

Law vä, Bawipa cu m’tam vä, mü m’than ung a Pum im ung akhuut bik ciah a changshäm gui naw m’tam vä.

PHILIPPIAN 3:6

Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

NG'THU K'THUUK~ 20:6

Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

LUKA 22:41

Cun kawn ah ang düihpüi gui awn li-kiak ät vai ng’lak nak khai ah hteit netah, m’khuukdong ne,