LUKA 17:6 - Cho Bible Common Language 2016

⁶ Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

LUKA 17:6 Referans Kwoze

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MATTHE 21:21

Bawipa Jesuh naw, “Kei naw akcang ka pyein cu, nangmi cu ngaih hnga nak kä om ciah yum nak a om ung baangghing ung kei ah bi ah mäih ah nami bi tu hning khai. Cun bäng ah kä kyak ciah shin ah m’htung cu ‘Shin ungka ng’nawn ne tui ung lut ä,’ nami ci ung nami pyein ah mäih ah kyak khai nei.

MAKUH 9:23

Bawipa Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

LUKA 13:19

A i awn m’tumtäng vai ang? Khanpughi ah uknak kho cu shin ah mäih ah kyak ci. Anhta ui cu chang tumat naw la netah, a lo ma ah geit ci. A ui cu ng’lih pyou ne phung ghing law sei, ang ban ung kha gui ngo ne ng’bu tuk ci gui” cik ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

LUKA 19:4

Cun ah kyasei, Bawipa Jesuh a law nak vai ah lam ung ana va dawng ma netah, k’thei ghing ung kai ne, ana teng ci.

MAKUH 4:31

Khanpughi ah uknak kho cu anhta ui awn täng ci. Anhta ui cu m’dek ung geit yah ung geit m’shi gui nüng ah yaw pi bäih ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

LUKA 7:19

Bawipa Jesuh ah tüi netah, “Nang cu kyum lawk khai cine kami gin ah Bawipa ah na kyak ci ang? Kä cun ung a hei kami ging ba khai ang?” cine ng’shi sak goi ci.

LUKA 17:7

“Nangmi ungka a u naw, lai thawn netah baw, htome shäm netah baw, law ba ciah akchangshäm-am, a gawk law ba vai-am, ei ei law ä cine ana khü khai ang?

MATTHE 14:29

Bawipa Jesuh naw, “Law ä,” ci khätah Peter cu hleiko ung kaa kyum law ne, Bawipa Jesuh ah hteit khai ah tui ung ana a pawng vük ci.