LUKA 17:34 - Cho Bible Common Language 2016

³⁴ Kei naw akcang ka pyein cu, cun ah mü ung, ih phak tumat ung ip ghawm ci goi ah chang hnih ung kaa, tumat cu la ne tumat cu nawng shüt khai.

LUKA 17:34 Referans Kwoze

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

LUKA 13:24

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

MAKUH 13:23

Nangmi cu ngaih na ne nami om vai, shin ah a mawng gui kä ang dang law pha ung ng’dawt ne ka ning m’thein gui nei.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

ISAIAH 42:9

Kei ah cäi bang gui cu tuhbäi akang ah kya lawk ci nei. Tuhbäi kei naw, amawng ak thai gui cu, kä ah kyak law pha pang ung phi ka ning m’thein gui khai nei.”

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.

SAM 26:9

Cheishoh ci gui awn atäng ah kä na m’di en ä, Chang ngawn ci gui awn na ng’shawng sak ä.

LUKA 13:5

Ngami cu kat nak bi pi ci gui ah kä kyak ci, ci cu ka ning m’thein gui hlük ci. Cun ung nangmi phi kä nami ng’yu ba ah a kiak ung ngami ah mäih ah nami si tuk khai” cik ci.

LUKA 13:3

Cun ah mäih ah nangmi phi kä nami ng’yu ba ung sih maih nak ung nami gawk khai.

MAKUH 14:29

Peter naw, “A hei gui ami van naw ami ning nawng ung phi, kei naw kä ka ning nawng khai nei” cine pyein ci.

LUKA 17:33

A ghin nak hun hlük ci cu, a ghin nak ng’chah khai, a ghin nak ah kä ng’vang cicu hun nak gah khai.

LUKA 17:35

Sum ng’gon ne suk ciah hnumi hnih ungka tumat cu la ne, tumat cu nawng shüt khai.