LUKA 17:24 - Cho Bible Common Language 2016

²⁴ Kho a lai läp ung khankho mik cu kho cawi, kho kem ah khüt ne adei khang ah mäih ah, chang Htapa a kyum law ba hnüüp kyak khai nei.

LUKA 17:24 Referans Kwoze

MATTHE 24:27

Hnilaw ungka naw hni kiaak ung khüt khai ah khankho mik avan deikhang sak ciah kholailäp ah mäih ah chang ah Htapa cu kyum lawk khai nei.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

JAMES 5:8

Nangmi phi hnimgei ne nami om vai nei. Nami ngaih u nak cu khäng htek sä, Bawipa a kyum law nak vai ah hnüüp ng’et lawk ci nei.

2 THESSALONIAN 2:2

“Bawipa ah kyum law nak ah hnüüp gawk lawk ci nei,” cine ami pyein nami ng’yak ung acun vai-am cäicat thüngphyong ne kä nami kyak vai. Shin ah a mawng cu kami ng’cää bang nak ung phi bäi, thu kami pyein nak ung phi, ca kami guk nak ung phi bäi, dang ci nei, cine chang gui naw ngai hngaw khai gui.

1 THESSALONIAN 5:2

A i ah kyasei ci ung Bawipa ah kho Hnüüp cu khomü ah m’guk-ei a law ah mäih ah gawk lawk khai nei, cicu nangmi nami mät naw nami hmat pyi ah kyak ci.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

EZEKIEL 1:14

Cun ah khiküi gui ami mät cu a lai läp ah ciah ng’lim ne hteit ci gui ang ghital.

MATTHE 5:15

Mei m’däi netah a u naw dawn awn kä uk man ci. Im kyong ah chang avan adei vai ah lung k’pei ung vah mei m’däi man ci gui.

1 KORIN 1:8

Ani naw nangmi cu kho a khütunggawk sei ning düng sak gui khai. Cun ah kyasei Bawipa Jesuh Khrit naw ng’thu am chaa hnüüp ung nangmi cu kat nami phiawn nak khai.