LUKA 17:21 - Cho Bible Common Language 2016

²¹ A u naw phi teng tu vä, Khanpughi ah uknak kho cu shin ung om ci, cän ung om ci, cine pyein thei vai kä kyak ci. Akcang ah pyein ung Khanpughi ah uknak kho cu na m’lung kyong ah om ci nei” cik ci.

LUKA 17:21 Referans Kwoze

MATTHE 12:28

Kei naw Beelyebul ah na peit ah k’thamah nak awn kä kyak ciah, Khanpughi ah Mumcha ah na peit ah bämang thamah nak awn, khoshe gui cu ka k’täm ci. Cun ah kyasei Khanpughi ah uknak kho cu nami khan ah gawk law pyii ci nei.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

MAKUH 13:21

“Cun ah khin ung chang tumat mat naw, ‘Teng law tu vä, shi ah Messiah om ci nei, cä ah Messiah om ci nei,’ cine a pyein ung kä nami yum-en vai.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

LUKA 17:23

Chang gui naw, “Chang ah Htapa cu shi ah nei a om, cä ah nei a om” cine ami pyein ung phi, läk ne kä nami shui en tu vai.

JOHAN 1:26

Johan naw, “Kei naw tuihnim nak ka ning pe gui ci, cun ung phi nami ng’lung ah kä nami hmat tumat om ci, ani cu kei ah hnu ah lawk ci,

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.