LUKA 16:9 - Cho Bible Common Language 2016

⁹ “Cun kawn ah kei naw ka ning m’cäi gui cu, khomdek khawhchaam bühmang nak kawn m’gein sei ng’khawtsheng nak cu bi vä. Cun ung vah cun ah bühmang nak ang pyi law ung, Khanpughi naw nangmi cu ang täi ghin nak ghui im ah ning na dou gui khai.

LUKA 16:9 Referans Kwoze

MATTHE 19:21

Bawipa Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

LUKA 16:11

Cun ah kyasei nangmi cu khomdek khawhchaam bühmang nak ung, bekhüt nak kä a om ung, bühmang nak akcang cu, a u naw nangmi am ning ap gui khai aw?

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

LUKA 14:14

Cun ung nang ah khan ah yeikyai nak om khai, a i ah kya sei ci ung ngami naw nang cu kä ning tumbei tuba hlawt khai gui. Chang k’ni gui sih nak ungka ami thawh law ba hnüüp ung na bi nak cu Khanpughi naw ning m’thung ba khai.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

LUKA 11:41

Cun ah nami bi ung nangmi ah hmawk ah avan theingthap khai nei.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

LUKA 16:13

A u chang phi bawimang hnih ah changshäm ah kä kya hning ci, Ani cu tumat gen ne tumat m’hni lawk khai. Tumat ah khan ah ng’düng nak awn om ne, tumat cu a i ah kä sui ba khai. Nangmi cu Khanpughi la khomdek khawhchaam ah ng’yak hlü cu a täng ah kä nami bi hlawt khai” cik ci.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

MATTHE 6:19

‘Thu kaa m’pyiit yaup ne, m’guk ei ah m’guuk nak thei ah, khomdek khan ung khawh chaam kä nami m’cun m’seh vai.

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

LAMKTU 10:4

Ani cu cäicat ne khankho chang cu teng netah, “Bawi awi, a i nei” cine ng’shik ci. Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei.

THUSHÄUTU 11:1

Na ngui cu akhohei ah sumlei nak vai ah na tha vai, khohnüüp ät ung anglawn na gah khai.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

SAM 73:26

Ka m’lung la ka pumsa cu cümbawng ci, cun ung phi Khanpughi cu ka ng’yak hlü avan ah kümbe nak ah kyak ci.

LUKA 16:4

Cun ung phi kei cu changvai ungka ka ng’plawt kawn ah kei na dou ne na ng’khawt püi khai ka hmat pyi ci” cine amät ng’htau netah,

NG'THU K'THUUK~ 14:24

Cuivai ciah chang m’cümhnah nak cu khawh cham ah kyak ci, anglam cicu agu ang nak awn chang naw hmat ci.