LUKA 16:8 - Cho Bible Common Language 2016

⁸ Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

LUKA 16:8 Referans Kwoze

1 THESSALONIAN 5:5

Nangmi nami van cu akdei ung ng’len pyi ne, kho hnüüp khäm pyi ciah chang ah nami kyak ci.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

LUKA 16:10

Api bi ung bekhüt ciah chang cu akdäm bi ung phi bekhüt ci. Api bi ung düng ciah chang cu akdäm bi ung phi düng ci.

JOHAN 12:36

Cun ah kyasei akdei ah om yah ung yum tu vä, cun ung nangmi cu akdei ah hta ah nami kyak khai nei” cine kyak na gui ci. Cun ah ng’thu a pyein kawn ah Bawipa Jesuh cu ngami naw kä ami hmuh ba vai ah ng’thup ne om ci.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

LUKA 16:4

Cun ung phi kei cu changvai ungka ka ng’plawt kawn ah kei na dou ne na ng’khawt püi khai ka hmat pyi ci” cine amät ng’htau netah,

PHYAWN NAK 1:10

Ng’tuk nak a om law ung ngami cu mi ga gui ung ng’dawn tu u ne, na tu gui khai gui, cun kawn ah shin ah khaw ungka luat khai gui, Ngami ami da law ung phi mikmi naw mi shum nak gui vai mi shuui khai nei” cik ci gui.

ATÜNNAK 3:1

Khanpughi ah tüisho avan ungka k’phyu cu ng’khailang pikbäih ciah kyak ci. K’phyu naw hnumi am, “Shin ah dum ung om ciah ak ghing nü ah am theih cu kä na ni ei vai ah Khanpughi naw akcang ah pyen ne ma, cine ng’shik ci.

LUKA 20:34

Bawipa Jesuh naw, “Shin ah m’dek khan ung chang gui cu ng’chula ci gui.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

2 SAMUEL 13:3

Cun ung phi ani ung akshe ah lunglang aih ciah ateihpüi tumat om ci, ang ming cu Jonadab ah kyak ci, ani cu David ah phäi Shammah ah hta ah kyak ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

LUKA 18:6

“Shin ah kä nik ciah suki ah ng’thu cu ngai shüm vä,

MATTHE 17:26

Peter naw, “A kho hei ah kaa om tuk ci gui-am a khawn m’cu sak ci gui nei,” cine pyein ci. Bawipa Jesuh naw, “Cun ah kiasei mät ah kho chang gui cu a khawn käm cu ci gui.

2 GHANGPUGHANG GUI 10:19

Baala prophet avan, Baala khawihnah ci gui avan, a taigü gui avan, cu a täng ah khü gui vä, a u phi kä k’pawih en sä; kei naw Baala am dämduh ciah douthak nak ka bik khai nei, cun ung kä law tuk cicu ngawn vai nei” cik ci. (Shin cu Jehu naw Baala khawihnah ci gui avan a ngawn gui vai ah phäh ah a theileh ah kyak ci.)

MATTHE 12:32

Chang ah Htapa m’shetkat ne ng’thu cicu m’gein hning ung phi, Mumcha Theing m’shetkat ne ng’thu ci läi cu, ngawi yä güt m’gein nak kä om hlawt khai.

LUKA 16:7

Cun kawn ah a hei tumat mä khü ne, “Nang mä na thung vai a i chü nei a om?” cine ng’shik ci. Ani naw, “Htang m’guh tang phia gha ka thung vai om ci” ci khätah, “A tuhbäi na ca-uk la ne phiaa cheit ah na guk vai nei” ci sei, acun ah guk ci.

LUKA 20:35

Cun ung phi sih nak ungka tho ba ne khankho ah kai khai ah chang gui cu, kä ng’chula ba khai gui.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.