LUKA 16:3 - Cho Bible Common Language 2016

³ Cun ah kya khätah changvai cu, “Kei a i ah ka kyak khai, kei nang naw changvai ungka na na k’täm pyi ci, kei ung m’dek cawh nak hning vai k’thagui kä om ci, ng’yoi ne ka ei vai phi ka ng’aa ci.

LUKA 16:3 Referans Kwoze

2 THESSALONIAN 3:11

Nangmi ungka bi kä bi hlük ne dam ne om netah, chang hei ah bilawh mawngma düt, lawilik ng’kühyah tuk ciah chang om ci, cicu kami ng’yak ci nei.

LAMKTU 3:2

M’kawt law kiom ami ciah m’kawt pei ah anu puk ah a khaw shum ciah chang tumat cu om ci. Ani cu ak hnüüp tä sei pum im ah lawk ci gui ah ngui ng’yawi khai ah law püi neh ami ngoh sak ciah kiak ci.

JOHAN 9:8

Ani cu ng’yoi ne ei man te ci kyasei, ayan ani hmuh man te ciah, ami pei ah kaa gui naw, “Ani cu ngo ne ngui ng’yoi man ciah kä kia ne ang?” cik ci gui.

LUKA 18:4

Hmeinu ah pyein cu suki naw akda vei maa nak ci. Cun ung phi ak hnu ah “Kei cu Khanpughi phi kä ka kyih ci, chang phi kä ka aa ci.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

LUKA 16:20

Ani ah im kawt pei ah ghawipyam yaica ciah Layarus ming nak ciah chang tumat cu ng’yän ne om ci. Ani cu apumsa nüng khei bäng ah kyasei ui gui naw law ne akhei cu m’leik ci ci gui.

LUKA 12:17

Cun ah kyasei ka geitkaw gui ni aih ci, a yung ka m’sep khai ang? cine ngaih-tüh khit ci.

MAKUH 10:46

Bawipa Jesuh la ang düihpüi gui cu Jerikho gawnu ah ami gawk kawn ah, chang khli awn a täng ah acun ungka naw ng’düi ne hteit ba ci gui. Cun ah ami hteh ba nak ah ng’yoi ne ei ciah Timaeus ah hta Bartimaeus cu lam pei ah ana ngok ci.

HOSEA 9:5

Bawipa m’tamkhah nak vai ah pawi bi nak vai ah akhin a gawk law ung ngami naw a i bik khai gui ang?

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

NG'THU K'THUUK~ 29:21

Nang naw na changshäm cu ak hmaw yah ung tün ne ang yak hlü päng na pek ah akyak ung, hnüüp ät ung ani naw na khawh avan la yawp khai.

NG'THU K'THUUK~ 20:4

Lai thawn khin ung lai athawn vai ah dam ciah lai bik cicu geit akham vai ka om ci.

NG'THU K'THUUK~ 19:15

Na yum ung dam ne om a, ip a, Cun ung phi ei ah na cawi khai nei.

NG'THU K'THUUK~ 18:9

Amdam ah chang cu dishum ciah chang ah maih ah shekak ci.

NG'THU K'THUUK~ 15:19

Dam ciah chang gu a gawk nak phung ah khüikha ci, düng ciah chang cu geinvai nak kä om ci.

NG'THU K'THUUK~ 13:4

Dam ciah chang naw a i hlawk ah ang yak hlü phi kä gah hlawt ci. Ng’khüi ne bik ci naw angyak hlü phung gah ci.

ESTA 6:6

Cun ah kyasei Haman cu lut law khäta, ghangpughang naw a pyen nak cu, “Kei naw ka m’tamkhah hlü aih ah chang tumat om ci, ani ah phäh ah a i ka bi ung nik khai ang? Haman naw ngai neta, ghangpughang naw kei namtamkhah hlu ngai ci, cik ci.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

MATTHE 20:8

Kho mühun law khätah lo mah naw ak chang vai cu khü netah, ‘Aghü gui cu khü gui netah, ak hnu ah bi law tuk ci ung tün ne, bi law ma ci gui ung khüt khai ah ng’cheng cu pe gui ä’ cine m’cäi ci.

LUKA 16:2

Mang naw ani cu khü netah, ‘Nang ah mawng akda ah kang yak ci, na bilawh nak gui cu apüh akheh ah pyang ne law püi ä, nang cu kei ah changvai ah kä na kya ba khai” cine pyen nak ci.

LUKA 16:4

Cun ung phi kei cu changvai ungka ka ng’plawt kawn ah kei na dou ne na ng’khawt püi khai ka hmat pyi ci” cine amät ng’htau netah,