LUKA 16:27 - Cho Bible Common Language 2016

²⁷ Mangpa naw, “Kapa aw, cun ah a kyak ung kei ah kapa ah im ah Layarus cu na tüih law ba vai ah ka ng’ya hlük ci nei.

LUKA 16:27 Referans Kwoze

LUKA 16:26

Cun bäng ah kä kyak ciah keimi la nangmi ah ng’lak ung thuuk aih ciah gheem-kiaa nu om ci. Cun ah kyasei keimi lamah kaa nangmi lam ah phi bäi, nangmi lam ah kaa keimi lam ah phi bäi a u kä hteit hton hlawt ci nei” cine pyen nak ci.

LUKA 16:28

Kei ah ka nau chang sing hma om ci, ngami bawtah shin ah geinvai nak ah kä ami gawk law tu vai ah va m’thein ba gui khai ah Layarus cu yuk tüi law ba ä” cik ci.

JOB 21:21

Chang cu a ghin nak ang pyi ah a kyak ung a hta nau gui ah yei nak vai ah ang’tai nak om ne ang?

JOB 42:10

Joba naw a teihpüi gui thumah phäh ah a k’taigü kawn ah Bawipa naw ani cu ng’bühmang ba sak ci, ayanka ah mä a goi ah däm khai ah pe ba ci.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

SAM 37:10

Changshe cu a tuhbäi maih khai, a u naw shui ne kä hmu ba khai;

SAM 49:13

Ami mät naw ami mät ngaih u ci gui cu a i ah ami kyak law ah teng vä, ami mät ah khawh ung bühmang ne om ci gui.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

THUSHÄUTU 2:18

Kei naw ka bi lawh gui la bilo ne ka gah gui cu kei ah phäh ah akholä ah kyak ci, a i ah kyasei ci ung cun gui cu ka khui m’düng ci am ka pe shüt khai ah kyak ciah ka hmat ci,