LUKA 16:25 - Cho Bible Common Language 2016

²⁵ Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

LUKA 16:25 Referans Kwoze

LUKA 6:24

“Cun ung phi, ng’bühmang ciah chang gui ding gei sei nami om ci, Nangmi ung thüi sei nak om ci nei!

1 JOHAN 2:15

Nangmi cu m’dek khan ng’yak hlü la m’dek khan ng’yak hlü ah khäm phung phung kä nami m’hni vai nei. M’dek khan ng’yak hlü m’hni ci naw Pa Khanpughi käm hni hlawt ci.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

MAKUH 9:45

Na kho naw na yum nak adi maih sak ung, cun ah kho cu na tukpit vai, na kho avan küm sei angtäi ah däi ciah m’htei-mei ung na luh akdam, na kho vangtäng pit sei angtäi ghin nak na gah cu bäpi khai.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

HEBRU 11:25

Ani naw shetkat nak ung a shäng ng’len ne om ah k’dam, Khanpughi ah chang gui awn a täng ah yaica nak gah cu bä pi khai ah ngai ci.

1 THESSALONIAN 3:3

Cun ah kyasei shin ah dukdeiu nak gui awn nangmi ungka a u chang phi a hnu täng ah kä ng’hlat ba khai nei. Cun ah dukdeiu nak gui amshah cu mikmi ah hmawk ah Khanpughi ah ang yak hlü ah kyak ci, cicu nangmi nami mät naw nami hmat ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

LUKA 16:20

Ani ah im kawt pei ah ghawipyam yaica ciah Layarus ming nak ciah chang tumat cu ng’yän ne om ci. Ani cu apumsa nüng khei bäng ah kyasei ui gui naw law ne akhei cu m’leik ci ci gui.

DANIEL 5:30

A cun ah mü ung Babilon ghangpughang Belshazzar cu ngawn ci gui;

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

SAM 49:11

Ami ng’cim hmun cu angtäi sei ami im ah kyak ci; A cun ung angtäi ah om ci gui, cun ung phi ami kho man cu ami ka ah kyak ci.

JOB 22:18

Cun ung phi Khanpughi cu ngami ng’bühmangh khai gui ah pyang gui ciah kya ci chang shekha gui ah m’lung gaih cu kei naw kä ka hmat hning ci nei.

SAM 73:7

Ami m’lung ung akshe ah phu ne, ami m’sin naw ak kaa bäng pawng püi ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

LUKA 16:26

Cun bäng ah kä kyak ciah keimi la nangmi ah ng’lak ung thuuk aih ciah gheem-kiaa nu om ci. Cun ah kyasei keimi lamah kaa nangmi lam ah phi bäi, nangmi lam ah kaa keimi lam ah phi bäi a u kä hteit hton hlawt ci nei” cine pyen nak ci.

THULÄÄN NAK 28:17

“Bawipa naw nami htang gui la acun ungka nami pyan ah ei gui cu plah taam khai.