LUKA 16:23 - Cho Bible Common Language 2016

²³ Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

LUKA 16:23 Referans Kwoze

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

LUKA 16:28

Kei ah ka nau chang sing hma om ci, ngami bawtah shin ah geinvai nak ah kä ami gawk law tu vai ah va m’thein ba gui khai ah Layarus cu yuk tüi law ba ä” cik ci.

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

MATTHE 18:9

Na mik ui naw na yum nak a dimaih sak ung cun ah mik cu kawih ne na ghawh vai, mik ui küm sei m’htei mei ung luh akdam, mik ui vangtäng m’dauh sei khankho ah kai cu, nang ah hmawk ah bä pi ci.

SAM 9:17

Sih nak cu changshe gui la Khanpughi hnu ng’tuk püi ci gui ah a phu ah kyak ci,

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

MATTHE 5:29

Nakpat lam ah na mik naw a ning hmühma sak ung, acun ah mik cu kawih ne na ghawh vai, na pumsa avan m’hteimei ung a luh ah k’dam ah na mik vangtäng am dauh cu bä tu ba khai.

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

ISAIAH 14:15

Cun ung phi cun nak vaisü ung, nang cu sihnak ah khaw akthuk nakpi ung nang cu ning law püi ci gui nei.

ISAIAH 14:9

Sihnak ah khaw naw Babilonia ghangpughang cu don ge khai ah om ci. M’dek khan ung hnham mah man ci gui ah ami mümcha gui cu hnün tho ci gui. Ghangpughang gui ah ami mümcha gui cu hnün tho ci gui. Ghangpughang gui ah ami micha gui cu, ami mang kaing ung ka naw tho lawk ci gui.

1 KORIN 15:55

“Sih nak, nang ah k’sam mei cu a hawi ang? Sih nak nang ah m’khütnäng nak cu a hawi ang?

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

NG'THU K'THUUK~ 15:24

Cuivai ciah chang gui cu ghin nak ah hang kai nak ah lam ung hteit ci gui, sih nak ah yu ktum nak ah lam ung kä hteit ci gui.

NG'THU K'THUUK~ 9:18

Ani ah chang gui naw a im ung lut ciah chang gui ami sih la lut pyi ciah chang gui tuhbäi akthuuk pikbäih sih nak ah kho ung ami om cu kä hmat ci gui.

NG'THU K'THUUK~ 7:27

Ani ah im ah na hteh tu ung, nang cu sih nak ah khaw ah na hteit ciah kyak ci. Cun cu sih nak yät ah kyak ci.

NG'THU K'THUUK~ 5:5

Ani naw sih nak ah khaw ung ning yuk kyak khai, ani ah hteh nak lam cu sih nak lam ah kyak ci.

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

SAM 49:15

Cun ung phi Khanpughi naw na k’phiawn khai; sih nak ah huham ung na hun khai.

SAM 16:10

A i ah kyasei ci ung nang naw sih nak ah huham ung ka na na phyawn ci. Kei naw bekhüt ne na khuut ka bik ci, Nang naw sihnak ah kho ung kä na na nawng khai nei.

LUKA 16:24

“Pa Abraham aw, kei cu nam gein ä, kei cu m’htei mei khui ung ang htei ah ka geinvai ci nei. Layarus naw a kut m’dawng awn tui tawk netah ka m’lei ung ana m’hteei tu vai ah ka om nak ah yuk tüi law” cine m’awi ne ng’khü ci.