LUKA 16:19 - Cho Bible Common Language 2016

¹⁹ Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

LUKA 16:19 Referans Kwoze

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

EZEKIEL 27:7

Nang ah yawt gui cu linen ah kyak ci, ashou nak ah ka naw phi azäi ah hmat vai kyak ci. Nang ah kho so shung nak cu sui aknipi awn pyan ah kyak ci, cun cu saiprus khokawng ah ka sui am vou ah kyak ci.

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

THU PHLAAN 17:4

Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

LUKA 16:1

Bawipa Jesuh naw ang düihpüi gui-am, “Hngü ät ung bühmang ciah chang ung a changvai tumat om ci. Ani naw mang ah khawhchaam gui cu ei mang m’di m’dap yawp ci, cine chak ci gui.

MAKUH 15:17

Cun kawn ah Bawipa Jesuh-am sui asen hlui bäng m’sui u ne, ng’hling lukhu k’bün u netah,

EZEKIEL 16:13

Nang naw ghui la ngui awm pyan gui la cheipai awn cüiche ah linen la pä sui gui cu aphlüt ah na sui ci. Nang naw m’htut den akni pi awn pyan ah m’htut cu ei ne, khoitui la Oliv-situi phi na ei vai om ci. Nang ah kyom nak cu vai ci, nang cu ghangpughangnu ah na kya lawk ci.

ESTA 8:15

Mordekai cu amkim la a bawk ah kyak ciah mang ah suinu la suinu am vaw cu akiom ah sui ne, ghui lukhu ng’büng ne mang ah im ungka lut lawk ci. Cun ung Susa mang gaw lam gui cu m’hlüngtai nei, yeikyai nak bäng ah kyak ci.

SUKI GUI 8:26

Ghui hnga-naak gui Kideon naw a gah cu pit phli-kip vai lawk ci, acun ung cüiche gui, äh awi gui, la Midian ghangpughang gui ah awi ng’vai sui k’ni gui, ami kalauk gui ah hnü ung ami m’awi ah sampai gui kä pa ci.

LUKA 15:13

Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

MAKUH 15:20

Cun ah päipih u netah asen hlui ah sui cu suh ba sak u ne, amät ah sui te cu m’sui ba ci gui. Cun kawn ah kutlam tung ung tai ne, ngawn vai ah Bawipa Jesuh cu hteh püi ci gui.

NG'THU K'THUUK~ 31:22

Ani naw yih phah pyang ne, am kim linen sui akni sui ci.

LUKA 16:18

Akchu nawng ne a hei chu na tu ba ciah pami cu, akchu ah khan ah kat nak bik ciah kyak ci. Chang ah ng’chaa püi ah hnumi chu nak ci cu chang ah chu kat püi ciah kyak ci.

LUKA 16:20

Ani ah im kawt pei ah ghawipyam yaica ciah Layarus ming nak ciah chang tumat cu ng’yän ne om ci. Ani cu apumsa nüng khei bäng ah kyasei ui gui naw law ne akhei cu m’leik ci ci gui.

NG'THU K'THUUK~ 14:24

Cuivai ciah chang m’cümhnah nak cu khawh cham ah kyak ci, anglam cicu agu ang nak awn chang naw hmat ci.

ISAIAH 3:23

suinu ng’pam gui, linen kutghuh nak gui, hnü samsawm la lu ung sawm ah sam gui avan lak pe gui khai.