LUKA 16:17 - Cho Bible Common Language 2016

¹⁷ Cun ung phi Thukhän shaitaakcang’ma ng’lung ät adi maih vai ah mä, khomdek la khankho adi maih vai cu yäi tuba ci.

LUKA 16:17 Referans Kwoze

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

LUKA 21:33

Khankho la khomdek ang pyi ung phi, kei ah ng’thu cu kä ng’pyi khai.

1 PETER 1:25

Cun ung phi Bawipa ah thucim cu ng’shon päng ung khäng ci,” ciah pyein ci. Cun ah thucim cu nangmi am ng’shäu ne ning m’thein gui ah Thu Ni ah kyak ci.

ISAIAH 40:8

Ä, M’ghaw cu chawng ne, cheipai cu ng’yai ci, cun ung phi khanpughi ah ng’thu cu, khong län ung khäng ci nei.”

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

THU PHLAAN 21:1

Cun kawn ah khamkhaw thai la khomdek thai cu ka hmuk ci. Zän nä khankho la khomdek cu maih pyi ci. Tuinu phi kä om ba ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.