LUKA 16:16 - Cho Bible Common Language 2016

¹⁶ Tuihnim Johan kä a ng’dang pha ung Moese ng’thukhän gui la profet gui ah cacim gui cu kümbe te ci. Johan ang dang kawn ah tün ne, Khanpughi ah uknak ah mawng ng’Thu Ni cu pyein sak law ah kyak ci. Chang akda gui Khanpughi ah uknak kho ah ng’gut ne lut lawk ci gui.

LUKA 16:16 Referans Kwoze

MATTHE 21:32

Zohan naw nangmi ah law ne lam düng cu ning m’shüm gui sei phi, nangmi naw kä nami yum ci. Cun ung phi khawn look ci gui la chang hlawhlang gui naw yum ci gui nei. Shin ah a mawng ama gui nami hmuhmat kawn ah phi, nangmi cu nami m’lung thawng ne Zohan cu kä nami yum hlawt ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

LUKA 16:31

Abraham naw, “Ngami cu Moses la Profet gui ah ng’thu kä a mi ngaih läi ung sih nak ungka tho law ba ci a om ung phi ngami naw, kä yum hlawt khai gui cik ci” cine m’thein gui ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

LUKA 16:29

Abraham naw, “Nang ah nau gui-am m’thein tu gui khai ah Moses la profet gui om ci gui. Ngami ah ng’thu ngai tu u sä” cine pyen nak ci.

LUKA 10:11

Cun ung phi Khanpughi ah Uknak kho cu nangmi ah pei ah gawk law pyi ci, nami hmat vai nei” cine nami m’thein gui vai.

LUKA 10:9

Cun ah pigaw ung gawpai ci gui nami gai sak gui vai. Cun kawn ah ngami ung, “Khanpughi ah Uknak kho gawk law pyi ci” cine nami m’thein gui vai.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

MAKUH 1:14

Johan thawng ung ami chum kawn ah Bawipa Jesuh cu Kalile kho ah law ne Khanpughi ungka lawk ciah Thu Ni cu pyein ci.

MATTHE 10:7

‘Khankho uknak ng’et lawk ci nei,” cine ng’thu pyein vä!

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

JOHAN 11:48

Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)