LUKA 16:15 - Cho Bible Common Language 2016

¹⁵ Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

LUKA 16:15 Referans Kwoze

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

NG'THU K'THUUK~ 21:2

Nang naw na bi avan cu hman ciah na ngai ci. Cun ung phi Bawipa naw na m’lung ngaih ning m’khoichak ci, cicu na shüm vai.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

1 PETER 3:4

nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

LUKA 11:39

Bawipa Jesuh naw, “Nangmi pharisee gui, nami ei bei, umk’am gui akpung ah theing khai ah nami m’si ung phi, nami m’lung kyong läi cu ng’tuk ng’ah nak hlü la shetkat nak awn be ci nei.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

LUKA 18:21

Cun ah chang naw, “Cun ah thukhän gui cu ka hmaw sang ung tün ne ka läk pyi ci” cik ci.

NG'THU K'THUUK~ 20:6

Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

2 SHONTÄP NAK 6:30

ami taigü ngaih pe gui ä. Khankho na im ah ka naw ngai gui ne, m’geinsei gui ä. Nang bäng naw vah hniciim chang ah m’lung ngaih cu na hmat ci. A chang päng cu amät ah bi ah mäih ah om püi ä.

LAMKTU 1:18

(Ani cu a shet katnak awn a gah ah ngui awn, lai tumat cu khleih ne tah, acun ah lai ung apawi teek ne, ak chi lut law seih kiuh ne sik ci.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

SAM 49:18

A ghin yah ung abä m’cam ung phi ani cu näng nak om sei m’taam nak a gah ung phi,

SAM 49:13

Ami mät naw ami mät ngaih u ci gui cu a i ah ami kyak law ah teng vä, ami mät ah khawh ung bühmang ne om ci gui.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

LUKA 18:9

Amät naw amät chang khän ah ngai ne, chang k’shedam nak ciah chang gui-am Bawipa Jesuh naw, shin ah m’tumtäng nak cu m’thein gui ci.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

ROMAN 8:27

Chang gui ah m’lung kyong hmu thei ciah Khanpughi naw Mumcha ah m’lung ngaih cun phi hmat yawp ci. A i ah kya sei ci ung Mumcha naw Khanpughi ah ang yak hlü ah, ak chang gui ah phäh ah ang yoih ah hmawk ah kyak ci.