LUKA 16:14 - Cho Bible Common Language 2016

¹⁴ Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

LUKA 16:14 Referans Kwoze

LUKA 23:35

Chang gui naw ng’düi ne ami dan yah ung Jew chang ng’vai gui naw, “Shin ah chang cu chang hei gui hun gui ciah, Khanpughi naw am düih ah Messiah ah a kyak ung amät naw, amät hun law shüm sä” cine päipih ci gui.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

LUKA 8:53

Hnumi hta si pyi ciah hmat ciah chang gui naw, Bawipa Jesuh cu m’lep nak ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

SAM 119:51

Chang ah ng’shei ci gui naw angtäi sei, na päipih ci gui, cun ung phi na thukhän cu kä ka hteh tak ci.

MATTHE 9:24

Cun kawn ah Bawipa Jesuh naw, “Ng’nawn vä, shin ah hnumi hta sik ciah kä kyak ci, ip ci nei,” cine kya khätah, chang gui naw päipih ci gui.