LUKA 16:13 - Cho Bible Common Language 2016

¹³ A u chang phi bawimang hnih ah changshäm ah kä kya hning ci, Ani cu tumat gen ne tumat m’hni lawk khai. Tumat ah khan ah ng’düng nak awn om ne, tumat cu a i ah kä sui ba khai. Nangmi cu Khanpughi la khomdek khawhchaam ah ng’yak hlü cu a täng ah kä nami bi hlawt khai” cik ci.

LUKA 16:13 Referans Kwoze

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

LUKA 11:23

“Kei lam ah kä om ciah chang cu kei na hnungtuk püi ciah kiak ci. Kei awn a täng ah kä ng’bum tuk ciah chang cu pyäi pyah ciah kyak ci.

LUKA 16:9

“Cun kawn ah kei naw ka ning m’cäi gui cu, khomdek khawhchaam bühmang nak kawn m’gein sei ng’khawtsheng nak cu bi vä. Cun ung vah cun ah bühmang nak ang pyi law ung, Khanpughi naw nangmi cu ang täi ghin nak ghui im ah ning na dou gui khai.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

LUKA 9:50

Bawipa Jesuh naw, “Cun ah chang kä maa-en na vä, nangmi kä ning hnungtuk püi gui ci cu, nami chang ah kyak ci nei” ci na gui ci.

LUKA 16:12

Nangmi cu chang ah khawhchaam ah khan ah bekhüt nak kä a om ung a u naw nami mät ah khäm ah khawhchaam cu ning ap gui khai aw?