LUKA 15:7 - Cho Bible Common Language 2016

⁷ Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LUKA 15:7 Referans Kwoze

LUKA 5:32

Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

MATTHE 18:13

Maih ciah htome cu shui ne hmu ba netah, kä maih tuk ciah kokip lei-kaw ah mä, maih ciah tumat ah hmawk ah yeikyai pi ci nei, ci cu akcang ah ka pyein ci.

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

LUKA 15:29

A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

LUKA 15:6

A im ah a gawk law ba ung a teihpüi gui la, a im pei ah kaa gui cu khü gui ne, “maih ciah htome ka hmu ba ci nei, kei awn atäng ah yeikyai tu vä” cik khai nei.

LUKA 15:8

Cun kawn ah hnumi tumat ah ngui phe ghaa ung kaa, ngui phe a maih ung, ani cu mei m’däi netah kyong yung avan pheikphai ne shui ba khai nei.