LUKA 15:4 - Cho Bible Common Language 2016

⁴ “Nangmi ung kaa, chang tumat ung htome phiaa om ci ung kaa, tumat a maih ung a i ah kyak khai ang? Ani naw k’pawih ba ciah ko-kip-lei-ko cu khu ah li nak ah nawng gui shüt netah, maih ciah htome cu, kä ah hmuh ba pha ah chuih shui ba khai nei.

LUKA 15:4 Referans Kwoze

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

MATTHE 12:11

Bawipa Jesuh naw, “Nangmi ungka chang tumat ah htome tumat cu, kyin hnüüp ung khui ung ang kyak ah a kyak ung, kä yu chaan tu ba ah nawng khai ah chang om ne ang?

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

SAM 119:176

Maih ciah htome ah mäih ah ka ng’vaak shüi ci nei; Na changshäm cu law ne na teng law ä, Kei naw na thukhän gui cu kä ka nawng düt ci nei.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

LUKA 13:15

Bawipa Jesuh naw, “Chang thuvi gui, ‘Nangmi cu pum hnüüp ung nami sei gui, nami k’se gui gui k’phian ne saw ne tui nami tu man ciah kä kya ne ang?

EZEKIEL 34:8

Akcang ah kei cu ghing ciah Khanpughi nei, nangmi naw kei nami na ngaih ung bä pi khai. Ka htome gui cu khisa gui naw tu gui ci gui, ngawn gui ne ei gui ci gui, a i ah kyasei ci ung htomeshäm naw htome a shui ba vai ah kä tha nak ci. Ngami naw ami mät m’htei u ne, htome kä m’htei ci gui.

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

JEREMIAH 33:13

Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”

EZEKIEL 34:4

Nangmi naw aktha ken ci kä nami m’htei ci, gaw ci kä nami gai sak ci, leim ci kä nami hlawp ci, lam hma ci gui kä nami law püi ba ci, maih ci gui kä nami shui ba ci. Cun nak vaisü ung nangmi naw akshe ah nami om püi gui ci.

LUKA 15:3

Cun ah kya khätah Bawipa Jesuh naw, shin ah m’tumtäng nak cu pe gui ci.